«Баланы ерте дамыту бағдарлары» мектепке дейінгі ұйым педагогтерінің біліктілігін арттыру курсы
Бағдарламаның мақсаты: баланы ерте дамыту процесінің тұтастығын қамтамасыз ету үшін мектепке дейінгі ұйым педагогтерінің кәсіби құыреттілігін жетілдіру.
Бағдарламаның міндеттері:
1) заманауи білім берудің талаптарына сәйкес мектепке дейінгі тәрбие мен оқытуды дамыту бағдарларын анықтау;
2) МДҰ педагогінің мәдени нормаларын зерделеу, өз тәжірибесін зерттеу әрекетінің ерекшеліктерін анықтау;
3) «Ойын арқылы оқыту» принципі негізінде әрбір баланың қызығушылығы мен қажеттіліктерін ескере отырып дамытуға бағытталған мектеп жасына дейінгі балаларды тәрбиелеу мен оқытудың педагогикалық тәсілдемелерін айқындау;
4) мектеп жасына дейінгі балалардың толыққанды дамуы үшін үйлесімді, мейірімді, дамытушы, инклюзивті орта қалыптастырудың маңыздылығы туралы түсінік қалыптастыру;
5) ата-аналармен және ата-аналар қоғамдастығымен сындарлы әріптестік қарым-қатынас орнату дағдыларын дамыту;
6) өмірлік маңызы бар дағдыларды қалыптастыруға бағытталған ойындар арқылы балаларды тәрбиелеу мен оқытуды жоспарлау саласындағы дағдыларды дамыту.
Оқу нəтижелері:
Тыңдаушылар:
1) ҚР заманауи мектепке дейінгі білім берудің бағдарларын анықтайды;
2) балаларды тәрбиелеу мен оқытудағы педагогтің кәсіби әдебінің мән- маңызын және зерттеу қызметінің маңыздылығын түсінеді;
3) әрбір баланың қызығушылығы мен қажеттіліктерін ескере отырып, өз тәжірибесінде ойын арқылы тәрбиелеу және оқыту процесін ұйымдастырады;
4) баланың әлеуметтік және эмоционалдық игілігі үшін заттық-кеңістіктік ортаны құрады және бағалайды;
5) әріптестік қарым-қатынастар орнату арқылы ата-аналармен және ата-аналар қоғамдастығымен ынтымақтастықты қамтамасыз етеді;
6) балаларды тәрбиелеу мен оқыту процесін талдайды және жоспарлайды.
Курс көлемі: 170 академиялық сағат