Оқушылардың әлеуметтік дағдыларын дамыту: отбасы, мектеп, мансап

«Оқушылардың әлеуметтік дағдыларын дамыту: отбасы, мектеп, мансап» педагогтердің біліктілігін арттыру курсы

Бағдарламаның мақсаты: Тыңдаушылардың білім беру ұйымдарында кәсіби бағдар беру жұмыстарын жүргізу, мектептегі оқу-тәрбие процесі жағдайында оқушылармен, педагогтермен, мектеп әкімшілігімен және ата-аналармен тиімді өзара әрекеттестік орнату арқылы қақтығыстардың алдын алуға, қақтығыстық жағдайларды шеше білу бойынша  кәсіби құзыреттілігін арттыру.

Бағдарламаның міндеттері:

1)  болашақта сұранысқа ие болатын мамандықтарға сәйкес кәсіптік бағдар және қақтығыстарды шешу мен реттеу туралы түсінік беру; 

2)  кәсіптік бағдар беру және қақтығыстық жағдайларды шешуде қолданылатын әдістер мен тәсілдерді меңгеруге ықпал ету;

3)  мектептегі оқу-тәрбие процесі субъектілерімен тиімді қарым-қатынас жасау  дағдыларын меңгерту;

4)  білім алушының мамандық таңдауын және тұлғалық даму моделін қалыптастыру мен жүзеге асыру бойынша ата-аналармен бірлескен жұмысты жоспарлауды үйрету.

Оқу нәтижелері:

Тыңдаушылар:

1)  болашақта сұранысқа ие мамандықтарға сәйкес кәсіптік бағдар жұмысын ұйымдастырудың маңыздығын және қақтығыстық жағдайларды басқарудың практикалық тәсілдерін орынды қолданудың маңыздылығын түсінеді;   

2)  мектептің оқу-тәрбие процесінде қақтығыстарды шешу әдістері мен тәсілдерін қолданады және білім алушының қабілеті мен кәсіптік бағыттын анықтау диагностикасын жүргізеді;

3)  кәсіби қызметі барысында қақтығыстарды басқару техникасын қолданауды меңгереді;

4)  мамандық таңдауда білім алушының тұлғалық даму моделін құруда және оны жүзеге асыруда ата-аналармен бірлескен жұмысты жоспарлайды.   Мектептегі оқу-тәрбие процесінің субъектілерімен тиімді қарым-қатынас орнатады. 

Курс көлемі:  80 академиялық сағат