«Химия» пәні (онлайн)

Колледжде химияны оқыту: басымдықтар және жетілдіру стратегиялары

Бағдарламаның мақсаты: «Химия» пәні педагогтарының пәндік білім саласындағы, инклюзивті орта қалыптастырудағы, білім алушылардың функционалдық сауаттылығын дамытудағы және оқу жетістіктерін бағалаудағы кәсіби құзыреттілігін жетілдіру.

Бағдарламаның міндеттері:

• білім алушыларға химиялық процестер, заңдар мен олардың заңдылықтарына қатысты материалдарды меңгеруде қиындық туғызатын күрделі тақырыптарды қарастыру;
• «Химия» пәні бойынша білім алушылардың функционалдық/ жаратылыстану сауаттылығын дамытуға және оқу нәтижелерін бағалауға арналған практикалық тапсырмаларды әзірлеу дағдыларын қалыптастыру;
• инклюзивті білім беру жағдайында білім алушыларды қолдау және әмбебап оқыту стратегияларын қолдану негізінде тапсырмалар әзірлеу дағдыларын дамыту;
• «Химия» пәні бойынша білім алушылардың ерекше білім беру қажеттіліктерін ескере отырып, оқу мақсаттары мен нәтижелеріне қол жеткізуге бағытталған тиімді оқыту процесін жоспарлау дағдыларын жетілдіру. 

Күтілетін нәтижелер:

• тыңдаушылар білім алушылардың тиімді оқу іс-әрекетін құрылымдау үшін «Химия» пәнінің күрделі тақырыптары бойынша пәндік білімін тереңдетеді;  
• білім алушылардың функционалдық/жаратылыстану сауаттылығын дамытуға және оқу жетістіктерін бағалауға арналған практикалық тапсырмалар әзірлейді;
• «Химия» пәні бойынша білім алушылардың ерекше білім беру қажеттіліктерін ескере отырып, оқу процесін ұйымдастырады және оқу тапсырмаларын әзірлейді;
• оқу сабақтарын оқу мақсаттары мен нәтижелеріне сәйкес жоспарлайды.