«Химия сабағында бейімді-белсенді оқыту» педагогтердің біліктілігін арттыру курсы
Бағдарламаның мақсаты: бейімді-белсенді оқытуды сапалы жүзеге асыруды қамтамасыз ету үшін педагогтердің кәсіби құзыреттілігін дамыту.
Бағдарламаның міндеттері:
- химия пәні мұғалімдерінің дербестендірілген оқыту туралы теориялық білімін өзектендіру және оның даралап оқыту мен бейімделген оқытудан ерекшелігін қарастыру;
- бейімді-белсенді оқыту тұжырымдамасын және оны педагог тәжірибесінде іске асыру ерекшеліктерін зерделеу;
- «ALEKS» дербестендірілген онлайн платформасын қарастыру;
- 11-12-сыныптарда химия пәнін оқытуда ALEKS платформасы арқылы оқушылардың үлгерімін талдау және бағалау бойынша тұжырым (интерпретация) жасау дағдыларын қалыптастыру;
- пәнді оқытуда бейімделген оқыту және белсенді оқыту жүйесін интеграциялауға ықпал ету.
Бағдарламаның күтілетін нәтижелері:
Оқу аяқталғаннан кейін тыңдаушылар келесі дағдыларды меңгереді:
- әрбір оқушыны білім алуға тарту үшін оқытудың тиімді және жеке траекторияларын қамтамасыз ететін дербестендірілген оқыту жүйесіндегі бейімді-белсенді оқытудың орны мен рөлін айқындауды;
- оқу процесінде белсенді білім беру платформаларын, оның ішінде ALEKS дербестендірілген онлайн платформасын қолданады;
- ALEKS платформасы арқылы оқушылардың үлгерімін талдау және бағалау негізінде оқуды қиындықтары бар оқушыларды анықтайды;
- барлық оқушылардың оқу бағдарламасын ойдағыдай меңгеруі үшін оқытудың жеке траекториясын жоспарлайды;
- пәнді оқытуда бейімді-белсенді оқыту жүйесін ықпалдастырады және бейімделген платформаны қолдана отырып сабақ жоспарлайды.
Курс көлемі: 40 академиялық сағат.
