«Негізгі мектепте инклюзивті білім беру тәжірибесі» педагогтердің біліктілігін арттыру курсы
Бағдарламаның мақсаты: педагогтердің инклюзивті білім беру саласындағы кәсіби құзыреттілігін дамыту, ерекше білім беруді қажет ететін оқушыларды оқыту процесінде педагогикалық қолдауды жүзеге асыру қабілеті мен дағдыларын жетілдіру.
Бағдарламаның міндеттері:
- инклюзивті білім берудің заманауи тұжырымдамалары және инклюзивті білім беруді жүзеге асырудағы педагогтің кәсіби тұрғыдан маңызды қасиеттері туралы білім мен түсінікті кеңейту;
- оқыту стратегияларын әзірлеуде және оқушыларға психологиялық-педагогикалық қолдау көрсетуде қолданылатын педагогикалық тәсілдер шеңберін кеңейту;
- оқушыларға психологиялық-педагогикалық қолдау көрсетуді, оқушылардың ерекше білім беру қажеттіліктерін бағалау тәсілдерін ұйымдастыру мен жүзеге асыру бойынша практикалық дағдыларды дамыту;
- оқушылардың жеке қажеттіліктеріне сәйкес оқу тапсырмаларын қолдана отырып сабақ жоспарлау дағдыларын жетілдіру;
- ерекше білім беруді қажет ететін оқушылардың ата-аналарына педагогикалық қолдау көрсету дағдыларын дамыту.
Оқу нәтижелері:
Тыңдаушылар:
- инклюзивті білім берудің заманауи тұжырымдамаларын түсіну негізінде оқытуды жүзеге асыруға кәсіби және психологиялық дайындығын көрсетеді;
- оқытудың әртүрлі педагогикалық әдістері мен тәсілдерін қолданады, оқушыларға психологиялық-педагогикалық қолдауды жүзеге асырады;
- инклюзивті орта жағдайында оқытуды жүзеге асыру үшін оқушылардың ерекше білім беру қажеттіліктерін бағалау құралдарын қолданады;
- оқушылардың жеке қажеттіліктерін ескере отырып, оқу процесіне барлық оқушыларды тартуға бағытталған сабақты жоспарлайды;
- ерекше білім беру қажеттіліктері бар оқушылардың ата-аналарына педагогикалық қолдау көрсету шараларын жоспарлайды және жүзеге асырады.